Salt ehf, Háaleitisbraut 58-60, 108 Reykjavík.
Sími 533 4900, tölvupóstur: saltforlag@saltforlag.is.
Kt. 600678-0789, VSK númer 11605.
Bankareikningur 0117-26-017475.
Salt h.f. var upphaflega stofnuð að frumkvæði áhugafólks og stjórnar Kristilegs stúdentafélags. Árið 1977 gaf félagið út bókina Fylgsnið eftir Corrie ten Boom og seldist hún í 2000 eintökum. Hún var síðan endurútgefin hjá bókaklúbbi AB í 5000 eintökum. Bókaútgáfan var formlega stofnuð árið 1978. Einstaklingum var boðin þátttaka og keyptu þó nokkrir hlutafé þó svo engin væri gróðavonin, enda fyrirtækið hugsjónaútgáfa. Markmiðið var að gefa út gott kristilegt lesefni til fræðslu og hvatningar.
Á næstu árum komu út ýmsar bækur, flestar kristilegar fræðslu- og fagurbókmenntir. En er frá leið staðnaði fyrirtækið. Til að blása nýju lífi í það var fleirum boðið að vera með og gerðust Samband íslenskra kristniboðsfélaga, KFUM og KFUK og Kristilega skólahreyfingin hluthafar í kringum 1995. Félagið var með breyttum lögum orðið einkahlutafélag; ehf. Ráðinn var starfsmaður í hlutastarf sem sá einnig um umbrot fyrir þessar hreyfingar, og ýmsa aðra aðila, og gefnar voru út nokkrar bækur. Útgáfan gekk þó ekki nógu vel og var rekstrinum breytt. Síðan hafa komið út ein eða tvær bækur á ári, þar á meðal námsefni fyrir Alfa-námskeiðin. Samband íslenskra kristniboðsfélaga keypti hlut Kristilegu skólahreyfingarinnar og KFUM og KFUK.fyrir nokkrum árum og á nú allt hlutaféð. SÍK sem eignast hafði tímaritið Bjarma að fullu flutti útgáfu þess til Salts ehf.
Stjórn Salts ehf er kosin á aðalfundi. Stjórnin samanstendur af framkvæmdastjóra SÍK og stjórnarfólki SÍK.
Skilmálar:
Uppgefið verð er með VSK. Póstkostnaður upp á 900 krónur bætist við pantanir undir 8.000 krónum en er annars ókeypis. Kaupandi þarf þá að merkja við reitinn „Frítt að senda“.
Skilaréttur er tvær vikur eftir afhendingu ef bókin (varan) hefur ekki verið notuð/lesin eða tekin úr plasti.
Um sölu og kaup gilda að öðru leyti landslög. Varnarþing Salts ehf. er í Reykjavík.
Vörur eru afhentar á Basarnum Háaleitisbraut 68 eða afgreiðslu Salts ehf., Háaleitsbraut 58-60, 108 Reykjavík ef um það er að ræða. Annars eru þær sendar í pósti eða boðpósti, að jafnaði ekki síðar en viku eftir að pöntun er gerð.
Salt ehf geymir gögn um kaupanda vegna bókhalds og afgreiðslu pantana. Borgun/Salt Pay geymir upplýsingar um kortagreiðslur. Engin frekari úrvinnnsla fer fram né eru upplýsingar sendar öðrum. Kaupandi getur farið fram á að upplýsingum um hann sé eytt að loknum kaupum og afgreiðslu.