Bók sem fjallar um grunnstoðir hamingjuríks hjónabands. Þar má nefna góð tjáskipti, ást í verki, lausn ágreiningsefna, mátt fyrirgefningarinnar, samband við foreldra og tengdaforeldra og gott kynlíf. Bókin hvetur fólk til að skoða eigið hjónaband og stíga skref í átt að því að bæta það. Gott hjónaband getur lengi orðið betra og slakt hjónaband hefur í sér tækifæri að batna til mikilla muna.

Höfundar þróuðu fyrir nokkrum árum vinsælt Hjónanámskeið sem kennt hefur verið í Bretlandi en einnig víða um heim við mjög góðar móttökur. Á bókarkápu segir m.a.: „Hún og hann er full af hagnýtum ráðleggingum,hún er auðlæsileg og henni er ætlað að búa okkur undir, byggja upp og jafnvel endur nýja hjónabönd.“

Kilja, 344 bls.

Verð kr. 3.290. Okkar verð 3.000 kr.

Út er komin bókin Konan með opna faðminn. Lífshlaup og æviminningar Immu á Hernum. Bókin er gefin út í samstarfi við Hjálpræðisherinn á Íslandi en Ingibjörg Jónsdóttir brigader, öðru nafni Imma, lifði og starfaði innan Hersins frá unga aldri og þjónaði honum á Íslandi, Danmörku og Noregi ásamt Óskari Jónssyni brigader.

Sigríður Hrönn Sigurðardóttir  guðfræðingur og hjúkrunarfræðingur talaði við fjölda fólks til þess að fá eins heilsteypta mynd og kostur var af lífshlaupi og starfi Immu. Afraksturinn birtist í bókinni í lifandi og persónulegri frásögn.

Bókin kemur út í dag þegar 90 ár eru liðin frá fæðingu Immu, en hún lést í gær á fjórðungssjúkrahúsi Akureyrar. Minningarsamkoma verður á Hjálpræðishernum á Akureyri á morgun, föstudaginn 6. maí kl. 17 þar sem bókin verður kynnt og útgáfu hennar fagnað.

Bókin er til sölu á afgreiðslu Salts ehf og Basarnum, Austurveri, Háaleitisbraut 68 og mun á næstu dögum fást einnig hjá Hjálpræðishernum, í Kirkjuhúsinu  og Glætunni við Laugaveg og í helstu bókaverslunum landsins.

Bókin er 220 bls, þar af 16 ljósmyndasíður.

Bókin kostar 4.990 krónur. Forlagsverð: 4.500 kr.